如果有留意八卦新闻读者，一定记得“人体写生”（指艳照门）主角之一“新抱仔”（张柏芝），人人睇到佢相，都会哗一声：“乜佢对车头灯咁鬼假﹗”冇错，“新抱仔”的确打假波，做过手脚，仲唔止一次、而系两次。

　　原来“新抱仔”同老公“雷电”（谢霆锋）结婚前，佢两个已经挞过，因为半路杀出只“黑鹰”，“新抱仔”俾“雷电”飞甩，之后佢就变到癫癫得得。本来佢身材一向有番咁上下，根本唔使打假波，但因为受俾仔飞刺激，竟然癫到走去“富豪疗养院”做僭建工程。点知整出，俾人感觉就系：畸形。因为成对车头灯大到完全唔合“逻辑”。时“新抱仔”俾人笑到面黄。冇办法，危险都要搏，所以隔几个月，“新抱仔”一个密友陪同之下飞去泡菜国一间改头换面好出名“公司”执番掂对“波”。

　　呢件事进行得好秘密，妈咪姐又点知？好简单，咪就系陪佢去位密友爆料！